Uppskriftarbók félagsráðgjafnema komin út

Sælir samnemar

 Þá er búin að prennta uppskrifarbókina okkar. Flott og glæsileg með mikið af góðum Bónusvænum uppskriftum.

 Eintakið kostar 1500 kr. full af frábærum uppskriftum sem allir eiga að geta gert. Eiguleg bók og góð í jólagjafir sérstaklega fyrir þá sem maður veit ekki hvað maður á að gefa.

Takk takk

Félagsráðgjöf meðal fatlaðra í Palestínu

Félagsráðgjöf meðal fatlaðra í Palestínu

Málstofa með Ziad Amro, félagsráðgjafa og forgöngumanni í málefnum blindra og fatlaðra, fyrrum framkvæmdastjóra og formanni Öryrkjabandalags Palestínu, verður í Odda stofu 106 þriðjudaginn 28. nóvember kl. 17.30.

Ziad Amro mun fjalla um starf félagsráðgjafa með fötluðum í Palestínu og starf hans sem formanns Öryrkjabandalagsins þar í landi. Hann er menntaður félagsráðgjafi frá Bandaríkjunum og hefur mikla þekkingu á málefnum fatlaðra.  

Hér er um einstakt tækifæri að ræða til að kynnast starfi félagsráðgjafa við erfiðar kringumstæður. Félagsráðgjafarskor hvetur sem flesta að nýta sér þennan fyrirlestur um félagsráðgjöf og stöðu fötlunarmála í alheimsljósi.

Félagsráðgjafarskor HÍ  
Rannsóknarsetur um barna- og fjölskylduvernd

Skoðanakönnun

Bara að benda á skoðanakönnun sem er á síðunni. Hvaða deild á félagsráðgjöf að vera að mati 4. árs nema. Spennandi að sjá hvað okkur finnst

Bjór bjór bjór bjór BJÓR!!!

Heyja allesammen

Ég (og fleiri :) vorum að spá hvort það væri stemmari fyrir að hittast og drekka bjór fimmtudagskveldið 30.nóv?!?!

er ekki örugglega frí 1.des (?) í skólanum og þá geta flestir verið í þynnku heima

hehe bara spá, endilega kommentið  

 

kv. ástulíus

Parma - Ítalíu

 Þetta eru þeir sem að ætla í ferðina og eru búnir að borga staðfestingagjalfið 16 manns samtals:

 Það kallast nú mjög gott og verð ég að segja að hinir sem að koma ekki missa sko af mjög miklu þetta verður þokkalegt fjör

1. Ragnheiður Björg Guðmundsdóttir
2. Elva Sturludóttir
3. Edda Lára Lárusdóttir
4. Elísabet Gunnarsdóttir
5. Andrea Baldursdóttir
6. Signý Valdimarsdóttir
7. Ingibjörg Ösp Sigurjónsdóttir
8. Ásta Jóna Ásmundsdóttir
9. Katrín
10. Guðrún Elva Arinbjarnardóttir
11. Sigríður Hanna Ingólfsdóttir
12. Hólmfríður Rós Rúnarsdóttir
13. Hlín Stefánsdóttir
14. Hrönn Ljótsdóttir
15. Guðný Marta Aradóttir
16. Pála Kristín Bergsveinsdóttir

Svo ætlar hún elsku Fanney okkar að koma en fer á eigin vegum því hún verður komin til danaveldis

 

Ef einhverjir gleymast þá endilega látið vita

Fagdeild félagsráðgjafa í öldrunarþjónustu.

Fyrirhugað er að stofna fagdeild félagsráðgjafa í öldrunarþjónustu innan Stéttarfélags íslenskra félagsráðgjafa. Fagdeildin mun starfa á landsvísu.

Markmið fagdeildarinnar  er m.a. að stuðla að auknum samskiptum milli félagsráðgjafa í öldrunarþjónustu, stuðla að aukinni framhaldsmenntun, símenntun og rannsóknum og fylgjast með nýjungum í félagsráðgjöf aldraðra. Einnig mun fagdeildin vera Stéttarfélagi íslenskra félagsráðgjafa til ráðgjafar í málefnum sem snúa að félagsráðgjöf aldraðra.

 

Stofnfundurinn verður haldinn föstudaginn 17. nóvember 2006 kl. 15.00 í kennslusal á 7. hæð á Landakoti við Túngötu.

 

Allir áhugasamir félagsráðgjafar eru velkomnir, en vinsamlegast tilkynnið þátttöku í tölvupósti til Jónu Eggertsdóttir, [e-mail]  eða Sigurveigar H. Sigurðardóttur [e-mail] fyrir 16. nóvember.

 

Nánari upplýsingar veitir undirbúningsnefndin:

Guðrún Reykdal, [e-mail], Sími: 471 2938/895 8838
Jóna Eggertsdóttir, [e-mail]. Sími: 543 9824/894 5749
Sigurveig H. Sigurðardóttir,  [e-mail]; Sími: 525 5222.
Soffía Egilsdóttir, [e-mail]: Sími: 693 9560
Steinunn K. Jónsdóttir, [e-mail]  Sími: 543 9408/824 5369

Sýn unglinga á skilnað foreldra

Fyrirlestur á vegum Félags fagfólks í fjölskyldumeðferð

Fimmtudaginn 16. nóv. nk., kl. 15:00-16:00 heldur Árni Einarsson MA í uppeldis- og menntunarfræði erindi sem hann nefnir: „Vorum aldrei spurð“: Sýn unglinga á skilnað foreldra. Erindið verður haldið í sal BHM í Borgartúni 6 í Reykjavík.

 

 

Í erindinu segir Árni frá MA rannsókn sinni um sýn unglinga á skilnað foreldra og fjallar um nokkra þætti sem komu fram í rannsókninni, s.s. á hverju fyrstu viðbrögð barna við skilnaði foreldra byggjast, hvað börnum þykir verst við skilnað foreldra og hvernig þau telja að standa beri að og vinna úr skilnuðum með hagsmuni barna í huga. Rannsóknin byggir á viðtölum við unglinga og verða gefin dæmi úr viðtölunum um sýn unglinganna á þá þætti sem fjallað verður um.

 

Árni Einarsson er framkvæmdastjóri Fræðslumiðstöðvar í fíknivörnum og lauk MA námi í uppeldis- og menntunarfræði við félagsvísindadeild Háskóla Íslands árið 2005. Hann hefur um árabil starfað að æskulýðsmálum og forvörnum og veitti m.a. Fjölskyldumiðstöð forstöðu um skeið.

 

Aðgangseyrir kr. 1.000.- (kaffi og meðlæti innifalið).

Þjóðarspegillinn 2006

 

Fyrirlestrar félagsráðgjafa félagsráðgjafarskorar og RBF
Föstudagur 27. október 2006
Lögberg stofa 102  kl. 10:30 -13:00

 

Hanna Lára Steinsson:  ,,Alzheimerssjúkdómur á miðjum aldri’’ (10:30, L-102, undir Heilsufélagsfræði)

 

Freydís Freysteinsdóttir:  ,,Barnaverndartilkynningar er varða ofbeldi milli foreldra’’

Sigrún Júlíusdóttir:   ,,Fjölskyldubreytingar, lífsgildi og viðhorf ungs fólks’’

Steinunn Hrafnsdóttir:  ,,Af hverju vinnur fólk sjálfboðastörf?’’

Guðný Björk Eydal:   ,,Feður og fjölskyldustefna’’

Sigurveig H. Sigurðardóttir:   ,,Viðhorf til aldraðra’’ 

 

Nánari dagskrá má sjá hérna. 

 Þetta er mynd af Þjóðarspeglinum í fyrra, þarna má sjá Bússý ofuráhugasama um fyrirlesturinn. Hún situr þétt upp við Stefán kennarann okkar síðan í Aðferðarfræðinni. Þarna má líka sjá glitta í Meistara Stefán Ólafs og svei mér þá ef þetta er ekki Jóna niðursokkin í bókina :)

Málstofa BVS

Málstofa um barnavernd

Sáttamiðlun í opinberum málum á milli brotaþola og gerenda, grundvöllur og breytingar á meðferð mála með tilkomu sáttamiðlunar

Fyrirlesarar: Hafsteinn Gunnar Hafsteinsson, verkefnisstjóri sáttamála
Mímir Völundarson, starfsmaður Stuðla
Ingibjörg Sigurþórsdóttir, framkvæmdastjóri Miðgarðs

Tími: Mánudaginn 30. október kl. 12.45 - 13.45

Staður: Barnaverndarstofa, Borgartúni 21

Málstofa októbermánaðar um barnavernd sem félagsmálaráðuneyti, félagsráðgjöf HÍ, Barnavernd Reykjavíkur og Barnaverndarstofa standa fyrir verður haldin mánudaginn 30.október.
Fjallað verður um sáttamiðlun í opinberum málum á milli brotaþola og gerenda. Hafsteinn Gunnar Hafsteinsson fjallar um fyrirmæli ríkissaksóknara, skilgreiningu og markmið sáttamiðlunar/uppbyggilegrar réttvísi og svo hvernig ferlið muni eiga sér stað hér á landi. Þá mun Mímir Völundarson, starfsmaður á Stuðlum, segja frá einu máli sem unnið hefur verið á þennan hátt. Loks mun Ingibjörg Sigurþórsdóttir segja frá því hvernig þessi aðferð hefur verið notuð í málefnum ósakhæfra barna.

Takk fyrir mig!!

Takk fyrir mig ALLIR

Vá, mig langaði bara að segja ykkur hversu mikið það gladdi mitt litla, unga, óreynda hjarta hvað það mættu margir í gær!

Og auðvitað takk fyrir gjöfina!! ætla að kaupa mér eitthvað fallegt út á Ítalíu fyrir peninginn á uppáhalds markaðnum mínum

Vona að allir hafi skemmt sér vel, hvað varð annars um ykkur eftir að þið fóruð niður í bæ??

 

p.s það varð eftir nánast fullur rauður capri pakki sem saknar eiganda síns. Kannast einhver við það?

 

Kveðja Guðný junior,

...sem á næstum afmæli