Félagsráðgjafar - Fangelsismálastofnun ríkisins

Fangelsismálastofnun ríkisins

Fangelsismálastofnun ríkisins auglýsir eftir félagsráðgjöfum.

Störfin sem laus eru til umsóknar felast m.a. í að hafa umsjón með afplánunar- og vistunaráætlun, annast eftirlit með þeim sem frestað er ákæru gegn, fá reynslulausn, skilorðseftirliti og almennri félagsráðgjöf. Annars vegar er um framtíðarstarf að ræða, hins vegar um tímabundið starf til 9 mánaða.

Ráðið verður í störfin frá október 2007.

Hæfniskröfur:

• Menntun á sviði félagsráðgjafar
• Áhugi á og færni í að vinna með mjög breytilegum einstaklingum
• Vandvirkni og sjálfstæði í vinnubrögðum

Laun eru samkvæmt kjarasamningi fjármálaráðherra og viðkomandi stéttarfélags.  Nánari upplýsingar eru veittar á skrifstofu Fangelsismálastofnunar í síma 520-5000.  Stofnunin áskilur sér rétt til þess að óska eftir sakavottorði.

Umsóknir ásamt upplýsingum um menntun og fyrri störf sendist Fangelsismálastofnun ríkisins, Borgartúni 7, 105 Reykjavík, eigi síðar en 15. ágúst 2007. 

Meginverkefni Fangelsismálastofnunar eru m.a. að hafa umsjón með rekstri fangelsa, að sjá um fullnustu refsidóma og að annast skilorðseftirlit. Þá ákveður Fangelsismálastofnun hvort fangelsisrefsing verði fullnustuð með samfélagsþjónustu.

Fangelsismálastofnun ríkisins,  9. júlí 2007