Félagsráðgjafi eða háskólamenntaður starfsmaður - Fangelsismálastofnun ríkisins

Fangelsismálastofnun ríkisins
auglýsir
eftir félagsráðgjafa eða öðrum háskólamenntuðum starfsmanni

Meginverkefni Fangelsismálastofnunar eru m.a. að hafa umsjón með rekstri fangelsa, að sjá um fullnustu refsidóma og að annast skilorðseftirlit. Þá ákveður Fangelsismálastofnun hvort fangelsisrefsing verði fullnustuð með samfélagsþjónustu.

Starfið sem laust er til umsóknar felst m.a. í því að undirbúa afgreiðslur beiðna um afplánun refsinga með samfélagsþjónustu og að hafa umsjón og eftirlit með framkvæmd hennar. Önnur störf eru samkvæmt nánari fyrirmælum. Æskilegt er að viðkomandi geti hafið störf um miðjan september nk.

Hæfniskröfur:

• Menntun á sviði félagsráðgjafar, lögfræði, félagsfræði, afbrotafræði eða annars sambærilegs fags
• Áhugi á og færni í að vinna með mjög breytilegum einstaklingum
• Vandvirkni og sjálfstæði í vinnubrögðum

Laun eru samkvæmt kjarasamningi fjármálaráðherra og viðkomandi stéttarfélags.  Nánari upplýsingar eru veittar á skrifstofu Fangelsismálastofnunar í síma 520-5000.

Umsóknir ásamt upplýsingum um menntun og fyrri störf sendist Fangelsismálastofnun ríkisins, Borgartúni 7, 105 Reykjavík, eigi síðar en 15. ágúst 2007.

Fangelsismálastofnun ríkisins,  5. júlí 2007