Kynningarfundur um aðgerðaáætlun gegn heimilisofbeldi og kynferðislegu ofbeldi

Í tilefni af 16 daga átaki gegn kynbundnu ofbeldi kynnir Magnús Stefánsson félagsmálaráðherra aðgerðaáætlun stjórnvalda vegna ofbeldis á heimilum og kynferðislegs ofbeldis sem tekur til áranna 2006 til 2011.

Kynningin fer fram í Hringborðssal Þjóðmenningarhússins miðvikudaginn 6. desember kl. 14.

Ásamt ráðherra taka Sigrún Jónsdóttir, fulltrúi Sambands íslenskra sveitarfélaga í samráðsnefnd um aðgerðir gegn ofbeldi gegn konum, og Thelma Ásdísardóttir, fulltrúi 16 daga átaksins, þátt í kynningarfundinum.

Meginmarkmið aðgerðaáætlunarinnar er að vinna gegn ofbeldi á heimilum og kynferðislegu ofbeldi sem beinist að konum og börnum sem og að bæta aðbúnað þeirra sem orðið hafa fyrir ofbeldi eða eru í áhættuhópi.

Um er að ræða efnismikla aðgerðaáætlun sem felur í sér 37 aðgerðir. Hverri aðgerð er lýst sérstaklega ásamt tilgangi hennar. Einstökum ráðuneytum hefur verið falin ábyrgð á framkvæmd sérhverrar aðgerðar ásamt því að settur er fram tiltekinn tímarammi um framkvæmdina.

Aðgerðaáætlunin var samin á vettvangi samráðsnefndar félagsmálaráðuneytis, dóms- og kirkjumálaráðuneytis, heilbrigðis- og tryggingamálaráðuneytis, menntamálaráðuneytis og Sambands íslenskra sveitarfélaga. Við gerð áætlunarinnar voru meðal annars höfð til hliðsjónar drög frjálsra félagasamtaka að aðgerðaáætlun gegn kynbundnu ofbeldi sem var send einstökum fagráðherrum í kjölfar 16 daga átaksins 2004.

 Aðgerðaáætlun vegna ofbeldis á heimilum og kynferðislegs ofbeldis

Húrra Ingibjörg!

Sko þessa stelpu! Framtíðarofurfélagsráðgjafi þarna á ferð! :)

 

 

Tæpur helmingur fórnarlömb kynferðisofbeldis

Félagsráðgjöf meðal fatlaðra í Palestínu

Félagsráðgjöf meðal fatlaðra í Palestínu

Málstofa með Ziad Amro, félagsráðgjafa og forgöngumanni í málefnum blindra og fatlaðra, fyrrum framkvæmdastjóra og formanni Öryrkjabandalags Palestínu, verður í Odda stofu 106 þriðjudaginn 28. nóvember kl. 17.30.

Ziad Amro mun fjalla um starf félagsráðgjafa með fötluðum í Palestínu og starf hans sem formanns Öryrkjabandalagsins þar í landi. Hann er menntaður félagsráðgjafi frá Bandaríkjunum og hefur mikla þekkingu á málefnum fatlaðra.  

Hér er um einstakt tækifæri að ræða til að kynnast starfi félagsráðgjafa við erfiðar kringumstæður. Félagsráðgjafarskor hvetur sem flesta að nýta sér þennan fyrirlestur um félagsráðgjöf og stöðu fötlunarmála í alheimsljósi.

Félagsráðgjafarskor HÍ  
Rannsóknarsetur um barna- og fjölskylduvernd

Fagdeild félagsráðgjafa í öldrunarþjónustu.

Fyrirhugað er að stofna fagdeild félagsráðgjafa í öldrunarþjónustu innan Stéttarfélags íslenskra félagsráðgjafa. Fagdeildin mun starfa á landsvísu.

Markmið fagdeildarinnar  er m.a. að stuðla að auknum samskiptum milli félagsráðgjafa í öldrunarþjónustu, stuðla að aukinni framhaldsmenntun, símenntun og rannsóknum og fylgjast með nýjungum í félagsráðgjöf aldraðra. Einnig mun fagdeildin vera Stéttarfélagi íslenskra félagsráðgjafa til ráðgjafar í málefnum sem snúa að félagsráðgjöf aldraðra.

 

Stofnfundurinn verður haldinn föstudaginn 17. nóvember 2006 kl. 15.00 í kennslusal á 7. hæð á Landakoti við Túngötu.

 

Allir áhugasamir félagsráðgjafar eru velkomnir, en vinsamlegast tilkynnið þátttöku í tölvupósti til Jónu Eggertsdóttir, [e-mail]  eða Sigurveigar H. Sigurðardóttur [e-mail] fyrir 16. nóvember.

 

Nánari upplýsingar veitir undirbúningsnefndin:

Guðrún Reykdal, [e-mail], Sími: 471 2938/895 8838
Jóna Eggertsdóttir, [e-mail]. Sími: 543 9824/894 5749
Sigurveig H. Sigurðardóttir,  [e-mail]; Sími: 525 5222.
Soffía Egilsdóttir, [e-mail]: Sími: 693 9560
Steinunn K. Jónsdóttir, [e-mail]  Sími: 543 9408/824 5369

Sýn unglinga á skilnað foreldra

Fyrirlestur á vegum Félags fagfólks í fjölskyldumeðferð

Fimmtudaginn 16. nóv. nk., kl. 15:00-16:00 heldur Árni Einarsson MA í uppeldis- og menntunarfræði erindi sem hann nefnir: „Vorum aldrei spurð“: Sýn unglinga á skilnað foreldra. Erindið verður haldið í sal BHM í Borgartúni 6 í Reykjavík.

 

 

Í erindinu segir Árni frá MA rannsókn sinni um sýn unglinga á skilnað foreldra og fjallar um nokkra þætti sem komu fram í rannsókninni, s.s. á hverju fyrstu viðbrögð barna við skilnaði foreldra byggjast, hvað börnum þykir verst við skilnað foreldra og hvernig þau telja að standa beri að og vinna úr skilnuðum með hagsmuni barna í huga. Rannsóknin byggir á viðtölum við unglinga og verða gefin dæmi úr viðtölunum um sýn unglinganna á þá þætti sem fjallað verður um.

 

Árni Einarsson er framkvæmdastjóri Fræðslumiðstöðvar í fíknivörnum og lauk MA námi í uppeldis- og menntunarfræði við félagsvísindadeild Háskóla Íslands árið 2005. Hann hefur um árabil starfað að æskulýðsmálum og forvörnum og veitti m.a. Fjölskyldumiðstöð forstöðu um skeið.

 

Aðgangseyrir kr. 1.000.- (kaffi og meðlæti innifalið).

Málstofa BVS

Málstofa um barnavernd

Sáttamiðlun í opinberum málum á milli brotaþola og gerenda, grundvöllur og breytingar á meðferð mála með tilkomu sáttamiðlunar

Fyrirlesarar: Hafsteinn Gunnar Hafsteinsson, verkefnisstjóri sáttamála
Mímir Völundarson, starfsmaður Stuðla
Ingibjörg Sigurþórsdóttir, framkvæmdastjóri Miðgarðs

Tími: Mánudaginn 30. október kl. 12.45 - 13.45

Staður: Barnaverndarstofa, Borgartúni 21

Málstofa októbermánaðar um barnavernd sem félagsmálaráðuneyti, félagsráðgjöf HÍ, Barnavernd Reykjavíkur og Barnaverndarstofa standa fyrir verður haldin mánudaginn 30.október.
Fjallað verður um sáttamiðlun í opinberum málum á milli brotaþola og gerenda. Hafsteinn Gunnar Hafsteinsson fjallar um fyrirmæli ríkissaksóknara, skilgreiningu og markmið sáttamiðlunar/uppbyggilegrar réttvísi og svo hvernig ferlið muni eiga sér stað hér á landi. Þá mun Mímir Völundarson, starfsmaður á Stuðlum, segja frá einu máli sem unnið hefur verið á þennan hátt. Loks mun Ingibjörg Sigurþórsdóttir segja frá því hvernig þessi aðferð hefur verið notuð í málefnum ósakhæfra barna.

félagsráðgjöf fyrir geðsjúka afbrotamenn

    Opinn fyrirlestur

 

Fimmtudagur 19. október, Lögberg stofa 102

kl: 12:15-13:15

 

Lee Quinney: ,,Forensic mental health social work: A UK perspective’’

 

Erindið fjallar um félagsráðgjöf fyrir geðsjúka afbrotamenn, innan og utan stofnana á Bretlandi, en Quinney stundar þar doktorsnám í félagsrágjöf.

Upplýsingar á netinu

Hæ sílin mín!

Ég er á næturvakt í vinnunni minni og eins og oft vill verða á slíkum stundum vafraði ég um alnetið góða. Ég fann þar ansi skemmtilegt tenglasafn sem leiddi mig m.a. á síður eins og Missir.is,  vefsíðu Nýrrar dögunar og upplýsingar um sorg eftir sjálfsvíg eftir Hugó Þórisson sálfr. Kíkiði endilega á þetta!

Nú svo á ögn líflegri nótum - vona ég - þá langar mig að benda ykkur á þennan skemmtilega leik sem ég fann á netinu. Endilega greinið mig og búið til fyrir ykkur sem við hin getum svo tekið þátt í :)  

Ahhhh... sælla minninga! :) 

Ástarknús með kaffirjóma,

Fannsa

P.s. ef þið höfðuð ekki áttað ykkur á því þá eru dökkbláu orðin tenglar á aðrar síður ;) Munið líka að taka þátt í Forvitnishorninu.is (hér til vinstri) Já svo sett ég líka inn nokkrar myndir úr vorferðinni, er til vinstri undir Albúmin mín.

 

Algjörar túttur, umvafnar bútasaumsteppum!

 

 

Þvílíkar fegurðardísir, allar með colgate brosið nema Bogga sem setur upp hössl-lúkkið.

 

 

"Það er partý í gangi, allir að mæta" - tekist á við kreppu í gegnum teketil.

 

 

Folinn Frikki heillar kvenþjóðina - líka Betu sem þó er harðgift.is!