Þriðjudagar með Morrie í útvarpinu!

Þriðjudagar með Morrie eftir Mitch Albom og Jeffrey Hatcher

Þýðandi: Sigurður Skúlason

Fimmtudagur 5.10.2006 á Rás 1 (93,5)

Kl. 22.15 Útvarpsleikhúsið: Þriðjudagar með Morrie

Leikritið sem nú verður flutt byggir á bók eftir Bandaríkjamanninn Mitch Albon, sem var kunnur íþróttafréttaritari og vakti ekki síst athygli fyrir frumleg efnistök í pistlum sínum. Í þeim fjallaði hann oftar en ekki um málefni sem virtust íþróttum með öllu óviðkomandi. Ungur drengur, sonur eiturlyfjafíkils, en ákafur körfuboltamaður, gat orðið Albon að umfjöllunarefni, rétt eins og sleðahundakeppni norður í Alaska. Oft mátti lesa óvægna gagnrýni á bandaríska þjóðarsál í pistlum Mitch Albons í dagblaðinu Free Press, en heimsathygli vakti hann með bókinni, “Þriðjudagar með Morrie”. Í henni lýsir hann vikulegum heimsóknum sínum til íþróttafréttaritarans Morrie Schwartz sem haldainn var Lou Gehrig-sjúkdómnum og lá fyrir dauðanum. Jeffrey Hatcher hreifst af þessari óvenjulegu samtalsbók og skrifaði eftir henni leikgerð, en margir kannast einnig við kvikmynd sem gerð var um sama efni. Í henni fór Jack Lemmon með hlutverk Morrie Schwartz og fyrir kaldhæðni örlaganna reyndist það vera síðasta hlutverk hins magnaða leikara.

Morrie Schwartz er leikinn af Pétri Einarssyni og Ellert A Ingimundarson fer með hlutverk Mitch Albom. Aðrir leikarar: Jóhann Vigdís Arnardóttir og Hallmar Sigurðsson. Píanóleikur: Kjartan Valdimarsson. Kristján Hreinsson þýddi söngtexta og kynnir er Stefanía Valgeirsdóttir. Hljóðvinnsla: Georg Magnússon. Leikstjóri: Sigurður Skúlason.

Verkið tekur 90 mínútur í flutningi.

Frumflutningur.

Leikstjóri: Sigurður Skúlason
Aðalhlutverk: Pétur Einarsson og Ellert A. Ingimundarson

Athugasemdir

[Signý (IP-tala skráð) 25.9.2006 kl. 20:46]

Ohhhhhhhh... ég hlakka ekkert smá til að hlusta á þetta. Þegar ég var yngri þótti mér líka skemmtilegast að hlusta á útvarpsleikritin, þannig að þetta verður svona aftur til fortíðar en jafnframt öll framtíðin með Morrie.. æji þið skiljið mig er það ekki???

[Útskrifarárgangur félagsráðgjafar , 27.9.2006 kl. 23:59]

hehe jú ég skil þig ;)

finnst það mjög flott að fá svona skúbb, ekki oft sem mar hlustar á útvarpsleikhúsið :D

kv. ásta jóna